A bissle nochdenkt:

Des muaß an onsre Gene liega, mir Schwoba send geborene Philosopha.
"Fill-o-Sophie mir das Glas randvoll, weil mit'm Drenka, do kommt's Denka",
hot seller Poet zo seira Frau äls gsagt. Ond noch am erschda Schluck hot'r gmoint:
"So-grad-des isch's rechte Tröpfle". Der "So-grad-des", also i moin dr Sokrates, isch nachweislich koi Schwob sondern a Griech' gwäa, aber der hot erstaunlicherweis' genau so denkt, wia bei ons oiner denkt, wenn'r denka ka - leidr kennad des emmer weniger.

"Der Wein und die Wahrheit sind sich insofern ähnlich, als man mit beiden anstößt."
Drom braucht onseroiner zom Philosophiera en Trollinger. Noi, mit ama Riesling do goht des ned. S' muaß a Roter sei, a Trollinger, au a Lemberger oder gmischt - s' kommt halt druf a, was mr denka will - aber uff koin Fall an Weißa !
Ond mit Sprudel - do ko'sch Du denka, was da  willsch - mit Sprudel, do lebschd vielleicht gsond, aber du wirsch em Leba koi Philosoph !
Also, i drenk a Viertele Rota, ond no denk i so vor mi na, so wia jetzt grad au. Ond no..., no denk i..., de'sch jetzt au glatt, jetzt fällt mr grad nix ei - ha so a Scheiss.
Was moinschd ?? I soll nommol oin drenga, ha des isch koi schlechter Gedanke, also prosit !
Heidanei, mir will aber au grad om's Verregga gar nix eifalla.
Jetzt glotz mir doch ned ällaweil beim Denka zua, des ka i ned braucha. Was ? Noi, noi, noi, der Besuch vo dera Homepäge gibt Dir no lang koi Recht, mir beim Denka zuazgucka !
I muaß me konzentriera. Jetzt sei doch ruhig, uf dia Art ond Weis' wird die Päge en hondert Johr ned fertig. - Was hoißt do unlogisch ? Sie regen mich jetzt aber schon granatenmäßig auf. - Hä? - Ja, wenn i narret werd, dann schreibe ich hochdeutsch.
Halt !! Lass Deine Griffel von meim Trollinger, den brauch i zom Denka!
So a Sauerei. Kommt do oifach uf mei Homepäge ond sauft mir's Viertele weg. Jetzt muaß i zerschd wieder en Lada sprenga ond a Fläschle kaufa. Wo isch denn der Broschbekt mit de Wein-Sonderangebot? Do, jetzet: Trollinger, 2-Euro-fempfaachtzig. Noi, halt, desmol nemme den om 3-Euro-fuffzig, vielleicht fällt mr bei dem meh ei.
Hoi, Weib, guck amol, hosch des Zitat do scho glesa? Wart, i les' dir's vor:
"Der Horizont mit Radius Null ist der eigene Standpunkt." De'sch guad.
Aber uf schwäbisch ka mr des no viel philosophischer, besser ond kürzer saga: "I..."!

(frei nach Albin Braig)

....ond no ebbas:

Ein nachdenkliches Gebet aus dem Jahre 1864, das heute aktueller ist denn je:

Herr setze dem Überfluß Grenzen und laß die Grenzen überflüssig werden.
Nimm den Ehefrauen das letzte Wort und erinnere die Ehemänner an ihr erstes.
Gib den Regierenden ein besseres Deutsch und den Deutschen eine bessere Regierung.
Schenke uns und unseren Freunden mehr Wahrheit und der Wahrheit mehr Freunde.
Bessere solche Beamte, die wohl tätig, aber nicht wohltätig sind.
Laß die die rechtschaffen sind, auch recht schaffen.
Sorge dafür, daß alle in den Himmel kommen, aber wenn Du willst, noch nicht gleich.

Ich wünsche Euch und mir, daß dies in Erfüllung geht !!!

...und noch ein nachdenkliches Zitat:

Es gibt zwei Dinge, die unendlich sind:
Der Weltraum und die menschliche Dummheit.
Beim Weltraum bin ich mir aber noch nicht ganz sicher !

(Albert Einstein)